Đăk Lăk chă trong jang đei jơnei tơchơ̆t hơtŏk mŭk drăm 2 kơsô̆
Thứ sáu, 10:53, 19/06/2026
Lan chih tơblơ̆
Lan chih tơblơ̆
VOV.Bahnar – 'Năr brei (18/6), Jơnŭm pơgơ̆r pơm kiơ̆ tơchơ̆t hơtŏk mŭk drăm 2 kơsô̆ kơ dêh char Đăk Lăk jăl sơnăm 2026-2030 pơgơ̆r 'măng hop akŏm mă 3 vă hơlen lăng tơdrong jang đei jơnei hơtŏk mŭk drăm – tơpôl 6 khei blŭng sơnăm păng tơlĕch trong pơm jang vă hơtŏk tơ-iung lơ̆m khei năr truh. Vă keh đang tơchơ̆t hơtŏk tơ-iung đơ̆ng 10% tŏk tơ̆ kơpal lơ̆m sơnăm 2026, hơtŏk mŭk drăm atŭm 6 khei hơtuch sơnăm kơ dêh char Đăk Lăk athei đei đơ̆ng 11,8% truh 12%.
Kiơ̆ kơ ƀok Lương Nguyễn Minh Triết, Ƀĭ thư Tĭnh uy Đăk Lăk, dôm bơngai jang lơ̆m Jơnŭm pơgơ̆r, Hơnih jang vei lăng kon pơlei dêh char hlôi kơ-'nôh lơ̆m tơdrong hơlen lăng dôm tơchơ̆t hơtŏk tơ-iung, pơklaih tơnap tap ăn dôm tơdrong pơkăp jang păng hơnih jang mŭk drăm.
Atŭm hăm noh, pơgơ̆r hăm rim hơnih jang, rim tơring pơtoi akŏm pơklaih dôm tơdrong jang oei tơhlăk, hơtŏk kơtang tĕch pơlong kơjă tơdrong iŏk yua teh, kơjăp lơ̆m tơdrong asong jang kăl ăn teh đak păng keh đang hla bar pơkăp jang vă dôm tơdrong pơkăp jang 'nao đei tơlĕch jang, vă pơm trong hơtŏk tơ-iung ăn dôm khei hơtuch sơnăm.
Viết bình luận