Ngê̆ nhơ̆n Lang Biang - Đà Lạt pôk pơ-ư joh ayŏ juăt jue kră sơ̆
Thứ sáu, 08:30, 19/06/2026
Lan chih tơblơ̆
Lan chih tơblơ̆
VOV.Bahnar – Yak truh Festival Pơkao Đà Lạt 'măng mă 11 sơnăm 2026, lơ̆m 2 năr ou ki, tơ̆ hơnih tơmang pơhiơ̆ Lang Biang, phương Lang Biang - Đà Lạt, dêh char Lâm Đồng pơgơ̆r Tơdrong Pơlong joh ayŏ chĭng chêng păng 'nhot xa tơguăt hăm tơdrong pơsuh pơchơt kră sơ̆ sơnăm 2026.
Tơdrong pơlong đei pơgơ̆r hăm lơ tơdrong jang akŏm ƀenh kơ um ai joh ayŏ kon pơlei kon kông nhen tôn chĭng chêng, hơsuang, pơlong dôm tơdrong tơplŏng kơdou juăt jue, pơlong pai păng tơroi gah 'nhot xa juăt jue. Hơnih hơdah hloh kơ tơdrong pơlong noh um ai joh ayŏ chĭng chêng kăp gĭt hăm tơdrong vang akŏm đơ̆ng lơ khŭl ngê̆ nhơ̆n păng kou lak ƀô̆ lơ̆m tơring nhen: Pơkao Lang Biang, Unh hnam Joh ayŏ, Pơlei Dơng, Dà M’Lốt, Jồ Rơng păng Dôm bơngai buăl Lang Biang...
Dôm tơdrong pơdah hlôi tơgop tơroi tơbang dôm kơjă joh ayŏ juăt jue kăp gĭt kơ kon pơlei K’Ho truh hăm tơmoi lơ̆m păng 'nguaih kơ teh đak. Tơdrong pơlong hơvơn lơ kon pơlei, tơmoi păng kon pơlei K’Ho truh akŏm.
Viết bình luận