Pơma tơ̆ lêh hơpăh tơmam, Kơdră Quốc hội Trần Thanh Mẫn athei, hla ar tơroi chih tơroi tơbăt mă pran hlŏh dơ̆ng, đei yoa hlŏh dơ̆ng dôm trong jang, tơdrong tơgŭm đơ̆ng Đảng, khôi luơ̆t teh đak; tưk tơiung jơhngâm đon tơplih ‘nao rơgei, pơlung kon pơlei vang bơ̆ jang mă ‘lơ̆ng lơ̆m tơdrong atŏk tơiung teh đak.

Hla ar tơroi athei jing khul năm hơdrol lơ̆m tơdrong vei lăng đon tơchĕng đơ̆ng Đảng, tơblăh tơjră plơ̆ dôm đon tơchĕng ưh kơ trŏ, hơreh băl. Tơ̆ yơ đei nơ̆r pơma kư̆ kă, ưh kơ trŏ, ‘mĕh tơjră phă ngơ̆r teh đak – tơ̆ noh đei hla ar chih tơroi chih ƀai găn lê̆; tơ̆ yơ đei nơ̆r pơma kơnê̆, đon tơchĕng ưh kơlăp – tơ̆ noh đei hla ar tơroi chih tơƀôh tơdrong trŏ, tơdrong đei tơpă vă hơmet kơjăp đon lui.

Đảng, Teh đak păng kon pơlei lui: hla ar tơroi kăch mang Việt Nam hơnơ̆ng jang tŏk pran ‘lơ̆ng, gơ̆h hơgei, iŏk tơdrong chih ƀai gơ̆h hơgei đơ̆ng kơdih vă pơvih ăn teh đak, pơvih ăn kon pơlei. Khul châm hơlen hlôi hơpăh ăn 11 ƀai chih iŏk đei Yaih A, 26 ƀai chih iŏk đei Yaih B, 50 ƀai chih iŏk đei yaih C. Radio nơ̆r pơma Việt Nam đei 2 yaih A.