Tơ̆ hop akŏm, Phŏ Kơdră chĕp kơ̆l Anih pơtho tơƀôh păng krao hơvơn kon pơlei Trung ương Lại Xuân Môn pôk pơ ư dôm anih jang kơchăng bơ̆ jang dôm tơdrong jang pơvih pơvăn đei tơlĕch.

Pơma hơdăh đơ̆ng dang ei truh năr Hop akŏm Bơngai tang măt lơ̆m teh đak ‘măng mă 14 kơ Đảng ưh đei đunh bơih, ƀok Lại Xuân Môn athei dôm anih jang, khul grŭp hơtŏk hơnăp jang tôch ai bơ̆ jang pran ‘lơ̆ng dôm tơdrong jang, lơ̆m noh: jăh hơlen năng rim anih đei hơmet; rim anih jang athei tơlĕch trong jang kiơ̆ tơdrong đei tơproh.

Dôm anih jang athei jang đang trŏ năr hơgăt, jang ‘lơ̆ng, đei yoa; tơtom pơma nuh hăm Anih pơtho tơƀôh păng krao hơvơn kon pơlei Trung ương, Khul chĕp kơ̆l Anih chih hla ar tơroi ăn Hop akŏm mă 14 kơ Đảng găh dôm tơdrong ‘nao đei.