Bơ̆ jang kiơ̆ tơdrong hơgăt kơsô̆ 154 năm 2025 đơ̆ng Khul kơdră teh đak, ‘năr 29/1/2026 dêh char Lâm Đồng tơlĕch trong kăt tơjur ƀiên chê̆ sơnăm 2026. Trong jang vă hơnơ̆ng hơmet ming, kăt tơjur khul bơngai jang, hơtŏk tơdrong đei yoa, gơ̆h hơgei mưh bơ̆ jang đơ̆ng dôm anih jang ăn teh đak tơ̆ dêh char.

Kiơ̆ kơ ‘nŏh, lơ̆m sơnăm 2026, dêh char Lâm Đồng gô đei 605 ‘nu kăn ƀô̆, bơngai jang ăn teh đak găh 104 anih jang, tơring tơrang pơdơ̆h kiơ̆ trong kăt tơjur ƀiên chê̆. Lơ̆m noh, 468 ‘nu bơngai đei xa yoa tơdrong tơgŭm pơdơ̆h hưu adrol kơ sơnăm păng 137 ‘nu bơngai đei asong pơdơ̆h jang kiơ̆ tơdrong hơgăt đơ̆ng luơ̆t. Dêh char Lâm Đồng chih hơdăh tơdrong pơhnŏng ưh lăp kăt tơjur găh kơsô̆ đĕch, mă oei vă hơmet ming khul jang, hơtŏk tơdrong rơgei ăn khul jang, pơm lăp hăm tơdrong jang lơ̆m chăl ‘nao, năm truh tơdrong pơjing anih jang vei lăng tŏ sĕt bơngai, jang rơgei, đei yoa ‘lơ̆ng.