Bơ̆jang kiơ̆ nơ̆r pơma gĭt kăl đơ̆ng Ƀok Hồ, Tổng Bí thư Tô Lâm păng khŭl bơ̆jang pơkăp hơnơ̆ng tơgoăt tơgoăt drơ̆ng 1 nơ̆r, 1 jơhngơ̆m đon, tơ gĕch iŏk tôch ai tơdrong hiôk, hơtŏk ‘lơ̆ng rim kon jên jang, bơngai jang vă vang hơdrin bơ̆jang kiơ̆ tơdrong hơgăt hơtŏk tơiung tôm tong, pran kơtang, tŏk ‘lơ̆ng, hơnhăk teh đak yak mơ̆t lơ̆m chăl hơtŏk tơiung ‘nao, chăl jang tŏk kơ hơdrĕch hơdrŭng Việt Nam; pơkăp ling lang hŏk pơhrăm păng pơm kiơ̆ jơhngơ̆m đon ‘lơ̆ng đơ̆ng Ƀok Hồ.

Chih lơ̆m kơsơ̆p hla ar chih tơƀlŏk tơ̆ âu, Tổng Bí thư Tô Lâm chih: “Lăng kiơ̆ Ƀok, nhôn pơkăp ling lang iŏk tơdrong đei yua kơ Teh đak păng Kon pơlei kăl hloh, mă hơdrol, vei kơjăp tơdrong tơgoăt pôm ƀơ̆r đon, ki luơ̆t, tơpăt, pơma ‘noh jang hloi, jê̆ kon pơlei, pơyom kon pơlei, yua kơ kon pơlei. Tơ̆ hơnăp rup Ƀok, nhôn pơkăp hơnơ̆ng vei kơjăp jăl trong mă Ih păng Đảng hlôi rơih iŏk, ưh kơ pơdơh lăng kơdih, hơmet kơdih, đĭ jơhngơ̆m pơvih ăn Teh đak, pơvih ăn Kon pơlei, khŏm pơjing teh đak pran kơtang, hơnŭk hơnoa, kon pơlei phĭ tơnŏ, hiôk chơt”.