Pơma tơ̆ ‘măng hop akŏm, Thủ tướng Phạm Minh Chính tơroi rơđăh jơhngơ̆m đon tơlĕch jang hrĕnh Tơdrong tơchơ̆t Hop akŏm lơ̆m teh đak ‘măng mă XIV kơ Đảng, yua thoi noh kăl kơ pơgơ̆r hloi ‘măng hop akŏm vă tơmơ̆t tơdrong tơchơ̆t lơ̆m tơdrong hơrih sa. Thủ tướng akhan, dôm jơnei jăl jang âu ki ‘noh jĭ tơdrong ‘lơ̆ng gĭt kăl ăn tơdrong jang pơjei băl ‘nao ăn jăl jang âu păng athei akŏm lơ̆m 9 trong vă jang tih găh tơdrong jang pơjei băl nhen Tổng Bí thư Tô Lâm hlôi tơroi tơ̆ Hop akŏm pơjei băl ‘mêm kơ teh đak lơ̆m teh đak ‘măng mă XI nhen: Akŏm lơ̆m tơplih ‘nao pơcheh hơgei, hơtŏk tơiung mŭk drăm - tơpôl, hơmet ming tơdrong sơđơ̆ng, joh ayŏ păng pơjing khŭl jang chĭnh trĭ pran kơjăp vă hơnhăk teh đak yak mơ̆t lơ̆m chăl jang tŏk pran kơtang, hơgei.

Kiơ̆ kơ ‘noh, athei pơjing trong tơlĕch jang, klăih song hơdăh ăn rim anih jang vă tơlĕch jang dôm tơdrong jang pơjei băl. Thủ tướng athei pơjing akŏm đĭ đăng tơdrong jang, hơgăt tơdrong jang, hơnăp jang vă tơlĕch jang tơdrong jang pơjei băl tơplih ‘nao hơgei păng tơplih kơsô̆.