Tơ̆ hop akŏm, ƀok Lương Nguyễn Minh Triết, Ƀĭ thư Tĭnh uy Đăk Lăk ră hơdah: tơdrong jang pôk rơih jĭ sơnong jang chinh trĭ kăp gĭt, đei tơlĕch jang lơ̆m khei năr tôm Đảng, tôm kon pơlei chơt hơ-iă đơ̆ng rŏng kơ tơdrong đei jơnei keh kong kơ Hop akŏm bơngai tang măt jơ̆p teh đak 'măng mă 14 kơ Đảng păng hơmet sơng Têt Nguyên đan Bính Ngọ 2026.

Rim jăl jang, jơnŭm pơgơ̆r tơring, hơnih jang păng rim tơring kăl pơtoi hơtŏk sơnong jang, kơchăng tơguăt hăm tơdrong tơlĕch jang, tơdrong 'lơ̆ng păng trŏ tơchơ̆t. Tơdrong jang tơroi tơbăt gah pôk rơih pơtoi đei hơtŏk, tơgop hơtŏk tơdrong hlôh vao ăn kang ƀô̆, đảng viên păng kon pơlei gah sơnong kăl kơ kon pơlei, pơjing đei jơhngơ̆m pran ăn tơdrong pơlong jang, yak truh năr akŏm tih kơ tôm kon pơlei.