Anih pơvih ăn Quốc hội tơbăt, ‘Măng hop akŏm mă 2 kơ Anih chĕp kơ̆l pơgơ̆r Quốc hội pơgơ̆r lơ̆m pơgê ‘năr 11/5/2026, tơ̆ hơnih hôp Tân Trào, hnam tih kơ Hnam Quốc hội. Kơdră Quốc hội Trần Thanh Mẫn pơma pơgơ̆r pơih blŭng păng kŭm hăm dôm Phŏ kơdră Quốc hội pơlơh băl pơgơ̆r ‘Măng Hop akŏm.

Tơ̆ ‘Măng hop akŏm âu, Anih chĕp kơ̆l pơgơ̆r Quốc hội gô set hơlen, pơdrŏng kiơ̆ Khôi luơ̆t hơmet ming, chih tơmơ̆t dơ̆ng 1,2 tơdrong đơ̆ng Tơdrong hơgăt chih tơmơ̆t dôm hla ar khôi luơ̆t. Găh tơdrong jang dăr hơlen, Anih chĕp kơ̆l pơgơ̆r Quốc hội gô set hơlen roi tơbăt tơdrong jang kon pơlei hơpơi ‘meh vă đơ̆ng Quốc hội khei 3 păng khei 4/2026. Tơ̆ ‘Măng hop akŏm, Anih chĕp kơ̆l pơgơ̆r Quốc hội gô pơtôch ‘Măng hop akŏm mă Mônh păng ăn tơgop nơ̆r yak blŭng găh tơdrong hơmet ăn ‘Măng hop akŏm mă 2, Quốc hội jăl XVI.