Tổng Bí thư, Kơdră teh đak bơ̆n Tô Lâm pơtơm 'măng năm tơmang Kơpal truh Singapore
Thứ sáu, 10:40, 29/05/2026
Lan chih tơblơ̆
Lan chih tơblơ̆
VOV.Bahnar – Pơgê 'năr ou năr 29/5, Gre păr chơ Tổng Bí thư, Kơdră teh đak bơ̆n Tô Lâm atŭm hăm Hơkăn ƀok păng Khul Kơpal tang măt ăn teh đak bơ̆n hlôi truh tơ̆ cham gre păr apŭng plenh teh Changi, pơtơm 'măng năm tơmang kơpal truh teh đak Singapore păng vang năm akŏm Tơdrong pơma đam Shangri-La.
'Măng năm tơmang đei pơgơ̆r lơ̆m khei năr tơbôl Việt Nam - Singapore hơtŏk 'lơ̆ng lơ̆m lơ tơdrong jang, hăm đon lui chĭnh trĭ pơtoi đei hơtŏk kiơ̆ đơ̆ng dôm 'măng năm tơmang, pơma đam kơpal hơnơ̆ng. Singapore dang ei jĭ hơnih asong jang kơ ASEAN tih hloh tơ̆ Việt Nam, lơ̆m noh dôm hơnih jang kŏng ngĭp VSIP đei lăng jĭ um pơtih jang hơdoi tơnăp kơ 2 teh đak.
Singapore adoi jĭ teh đak mă blŭng iung jang tơbôl gah Mŭk drăm kơsô̆ - mŭk drăm jơk hăm Việt Nam, pơih lơ trong hiôk vă jang hơdoi lơ̆m tơplih kơmăi kơsô̆, tơplih 'nao gơh hơgei, unh hơyuh rơgoh 'lơ̆ng păng tơjră hăm tŏ 'mi kial tơplih. Mă kăl, ou jĭ 'măng mă blŭng minh Tổng Bí thư, Kơdră teh đak Việt Nam iung pơma pơtơm ah 'măng Pơma đam Shangri-La.
Viết bình luận