Khul jang hơlen đơ̆ng Hơnih tơm Chĭnh trĭ pơm jang hăm Hơnih jang Tĭnh uy Lâm Đồng.
Thứ sáu, 10:40, 29/05/2026
Lan chih tơblơ̆
Lan chih tơblơ̆
VOV.Bahnar – Kơsơ̆ năr 28/5, Khul jang hơlen kơsô̆ 31 đơ̆ng Hơnih tơm Chĭnh trĭ kơyuơ ƀok Nguyễn Văn Quảng, Ƀĭ thư Trung ương Đảng, Kơdră Hơnih tơm Sek tơlang tơdrong glăi lơ̆m tơpôl chĕp kơ̆l hlôi pơm jang hăm Hơnih jang Tĭnh uy Lâm Đồng gah tơdrong jang chĭnh trĭ tơ̆ tơring.
Khei năr ou ki, Lâm Đồng akŏm pơm jang đei jơnei kiơ̆ pơkăp jơnŭm pơgơ̆r tơring 2 tăl; hơtŏk kơtang tơdrong pơm kiơ̆ Tơchơ̆t 57 đơ̆ng Hơnih tơm Chĭnh trĭ gah khua hŏk kŏng ngê̆, tơplih 'nao gơh hơgei păng tơplih kơmăi kơsô̆. Lơ̆m 5 khei blŭng sơnăm 2026, mŭk drăm – tơpôl kơ dêh char pơtoi tŏk kăp gĭt, tơmang pơhiơ̆ đei yua hloh 2.188 tih hlj; tơmơ̆t lơ̆m jên mong teh đak hloh 14.930 tih hlj, hloh kơ tơdrong pơkăp Trung ương pơjao.
Ƀok Nguyễn Văn Quảng pơgơ̆r hăm dêh char Lâm Đồng pơtoi pơklaih tơnap tap gah asong sơnong pơgơ̆r; tơplih 'nao trong pơm jang vă hơtŏk tơguăt hăm tơplih kơmăi kơsô̆, iŏk yua tơdrong hiôk gah tơmang pơhiơ̆, choh jang xa kiơ̆ trong 'nao păng jang mŭk drăm rơgoh 'lơ̆ng.
Viết bình luận