Hop akŏm pơgơ̆r lơ̆m 2 năr ‘năr 28 păng 29/5, hăm tơdrong vang akŏm đơ̆ng vă jê̆ 120 ‘nu bơngai tang măt ‘noh tang măt ăn dôm anih jang vei lăng pơtho pơhrăm, anih jang pơtho pơhrăm, dôm hnam trưng hŏk, thây kô pơtho nơ̆r Phalăng kŭm hăm dôm khŭl jang pơtho pơhrăm nơ̆r Phalăng tơ̆ Việt Nam, Lào păng Campuchia.

Hop akŏm âu akŏm hơlen lăng tơdrong dang ei, hơmĕng hơtŏk tơiung nơ̆r Phalăng lơ̆m hơnih pơtho pơhrăm tơring, hơdai hăm pơtrŭt dôm tơdrong pơcheh jang hơdai vă hơtŏk ‘lơ̆ng pơtho pơhrăm ‘nao; hơdai hăm tơgop bơ̆jang kiơ̆ ‘lơ̆ng trong jang hơtŏk tơiung pơtho pơhrăm, khoa hŏk kơmăy kơmŏk, tơplih ‘nao hơgei păng mơ̆t jang hơdai apŭng plĕnh teh.