Yak hloh 80 sơnăm pơjing, iung tơblăh, hơtŏk tơiung păng jang đei, Anih jang găh roi tơbăt, pơhrăm păng anih roi tơbăt, pơhrăm Khŭl lĭnh ling lang kơchăng, hơbĕch hơabal, jang tơgŭm ăn Quân ủy Trung ương, Anih tơm vei lăng Khŭl lĭnh, Anih jang Chĭnh trĭ, khŭl kơdră đảng, pơgơ̆r rim kơdră chĕp kơ̆l, pơgơ̆r tôm tong rim tơdrong jang đon tơchĕng, joh ayŏ, vei kơjăp đon tơchĕng đơ̆ng Đảng lơ̆m Khŭl lĭnh, tơgop pơjing Khŭl lĭnh kon pơlei Việt Nam pran kơjăp găh chĭnh trĭ.

Lơ̆m jăl jang hrei ‘nâu ƀơ̆t teh đak yak mơ̆t lơ̆m chăl ‘nao păng pơjing khŭl lĭnh kach mang, chính quy, gơh hơgei, ‘nao, kŭm hăm dôm long nol đơ̆ng tơdrong apŭng plĕnh teh ƀơm ưh kơ ‘lơ̆ng truh lơ̆m teh đak, kiơ̆ kơ Thiếu tướng, PGS, TS, Bơngai pơm thây pơtho hŏk kơ kon pơlei Nguyễn Bá Dương, vei lăng Grŭp joăt jang 35 Quân ủy Trung ương: tơdrong jang đon tơchĕng, joh ayŏ kăl kơ đei hơtŏk ‘lơ̆ng ‘nao vă yak truh pơjing Khŭl lĭnh kon pơlei Việt Nam pran kơtang, gơh hơgei găh chĭnh trĭ.