Đơ̆ng rŏng kơ mơ̆ng roi tơbăt păng tơgop nơ̆r đơ̆ng dôm anih jang pơlong lăng, Khŭl bơ̆jang hlôi tơl tơblang, pơtho hơmet pơ ‘lơ̆ng dôm tơdrong mơmat tat, tơhlăk tơhlĭn lơ̆m kơplăh tơlĕch jang. Hơlen lăng găh pơtôch bơ̆jang kiơ̆ Tơdrong tơchơ̆t kơsô̆ 107 kơ dêh char Đắk Lắk, ƀok Hà Minh Hải, Phŏ Kơdră anih pơgơ̆r Trung ương, chih iŏk tơdrong hơdrin đơ̆ng tơring, mă loi ‘noh jĭ dôm anih jang, tơring đei rơih iŏk pơlong lăng.

Vă tơdrong tơlĕch jang Tơdrong tơchơ̆t 107 tơ̆ hơnăp kơnh iŏk đei jơ nei ‘lơ̆ng kiơ̆ ‘meh vă đơ̆ng Trung ương, Phŏ Kơdră Anih pơgơ̆r Trung ương athei lăng trŏ tơdrong jang păng vei sơđơ̆ng ‘lơ̆ng đei hloi hla ar chih răk păng hla ar chih tơroi tơbăt. Đĭ đăng dôm hla ar chih tơ roi tơbăt ‘noh jĭ hơyak blŭng pơjing hla ar chih răk, vă kiơ̆ đơ̆ng ‘noh gơh pơjing trong tơlĕch akŏm lơ̆m roi tơbăt hơtuch.