Năr tơguăt mĭnh ƀơ̆r đon tơ̆ plei Têng sơnăm ‘nâu tơklep hăm Năr jŏh ayŏ kơ dŏ xoang Việt Nam 2026. Tơ̆ âu, mih ma duch nă đei pơma nuh găh tơdrong pơjing tơdrong arih xa ‘lơ̆ng, rơgei, vei kơjăp tơdrong mât 1 ƀơ̆r đon lơ̆m pơlei. Atŭm hăm ‘nŏh, 1,2 unh hnam athei tơlĕch dơ̆ng dôm trong jang đei yoa vă kon pơlei, đe mŏ oh drŏ kăn păng druh dăm đei dơ̆ng tơdrong ‘lơ̆ng, pơm hơtŏk iŏk yoa kơtă tơ̆ pơlei.

Tơ̆ năr lêh, Kơdră vei lăng kon pơlei dêh char Gia Lai Phạm Anh Tuấn athei mih ma duch nă dar deh tơplih ming trong jang xa đơ̆ng jang dơdih jing jang hơdoi lơ̆m HTX, vă hơmet ‘lơ̆ng tơdrong pơm tơlĕch păng tĕch mơdro tơmam jang đei; athei khul chĕp kơ̆l đảng, khul kơdră pơgơ̆r xăh Biển Hồ hơnơ̆ng hơmet pơ ‘lơ̆ng anih jang, trong nơnăm, krao hơvơn kon pơlei vei rơgŏh cham char, chĕp vei kơjăp tơdrong juăt tôn chĭng chêng păng vei lăng ‘lơ̆ng tơdrong sơđơ̆ng tơ̆ tơring.