Pơma tơ̆ jơ ƀơ̆p, Tổng Bí thư, Kơdră teh đak Tô Lâm pơma hơdăh ‘nâu jĭ ‘măng lăng dơ̆ng dôm jơnei hlôi iŏk đei păng tơroi dôm trong vă jang, tơdrong jang lơ̆m tơdrong tơgoăt tơdrong gơh hơgei, hlôh vao, jên jang đơ̆ng Việt Nam păng tơpôl bơngai joăt jang bơngai Việt Nam tơ̆ Nhật Bản. Pơvei Jang hơdai gĭt kăl tôm tơdrong Việt Nam - Nhật Bản tŏk bŏk tơ̆ jăl jang hơtŏk tơiung ‘lơ̆ng hơiă, tơpă păng đei yua, lơ̆m noh khoa hŏk, kơmăy kơmŏk, tơplih ‘nao hơgei tŏk bŏk jing 1 lơ̆m dôm tơdrong tơm jang hơdai ‘nao kơ 2 teh đak.

Tổng Bí thư, Kơdră teh đak Tô Lâm pơma hơdăh ‘meh vă hơnơ̆ng đei lơ ‘măng răp mơ̆ng tơroi păng dôm tơdrong hlôh vao tơchĕng hơlen, iŏk yua khoa hŏk đơ̆ng dôm bơngai jang khoa hŏk; athei dôm bơngai joăt jang, bơngai jang khoa hŏk hơnơ̆ng tơchĕng hơlen, tơgop ‘lơ̆ng ăn tơdrong hơtŏk tơiung kơ teh đak, kŭm nhen tơgop ‘lơ̆ng ăn pơvei tơbôl ‘lơ̆ng hơiă đơ̆ng Việt Nam păng Nhật Bản.