Đơ̆ng rŏng kơ tơmơ̆t hơdai, tơdrong jang pơtho pơhrăm lơ̆m dêh char đei hloh 1.370 anih, pơyua ăn hloh 700.000 ‘nu hŏk tro, bơngai hŏk hăm hloh 38.400 ‘nu kang ƀô̆, thây kô pơtho. Sơnăm hŏk âu ki, dêh char iŏk đei lơ jơnei ‘lơ̆ng: 99,9% hơioh 6 sơnăm mơ̆t hŏk lăm 1;  99,7% hŏk tro hŏk đang jăl 1; tốt nghiệp jăl 3 đei 98,46%.

Yak mơ̆t lơ̆m sơnăm hŏk ‘nao; anih jang akŏm 10 hơnăp jang tơm: hơtŏk ‘lơ̆ng khŭl jang; tơplih ‘nao tơdrong pơtho hŏk, hla ar hŏk; hơtŏk loi dơ̆ng pơtho pơhrăm chĭnh trĭ, đon tơchĕng, jơhngơ̆m đon ‘lơ̆ng, gơh băt kơmăy kơsô̆; tŭn pran tơplih kơsô̆; hơmet ming pơtho pơhrăm, sŭt ưh kơ gơh chư; hơtŏk loi dơ̆ng anih jang tơmam drăm tơring pơmat tat; tơplih ‘nao hơlen lăng; hơvơn tơpôl vang pơjing hnam trưng ‘lơ̆ng; vei sơđơ̆ng hnam trưng hŏk păng păr ang tơdrong jang pơjei băl, pơjing hơnih pơtho pơhrăm hơgei, tơpăt ‘lơ̆ng.