Tơdrong asong vih vơ̆t kiơ̆ trong trôm hơtaih hloh lơ̆m jăl trong kơdou hrĕnh pơtoi bri hăm đak dơsĭ, pơm trong kăp gĭt asong vih vơ̆t ah hơtuch sơnăm 2026 păng pơtơm tơmơ̆t iŏk yua ah blŭng sơnăm 2027. Trong trôm găn hơ̆ng Phượng Hoàng, oei ah hơnê̆ kơ 2 dêh char Đăk Lăk păng Khánh Hòa, hơtaih truh 1,7 km, lơ̆m pơkăp jang XL01, Tơdrong ming man mă 2, kơyua Jơnŭm vei lăng ming man 6 (lơ̆m Anih tơm Ming man) asong ming man.

Pơtơm đơ̆ng khei 4/2024, vă jê̆ 600 kan ƀô̆, ki sư, bơngai jang atŭm hăm pơhlom 180 kơmăi kơmŏk pơm jang hơnơ̆ng vă pơtoi trong trôm gah 'ma ah khei 10 sơnăm sơ̆, păng hơtuch khei 12 ou ki pơtoi trong trôm gah 'ngĕo. Tơdrong jang XL01 oei lơ̆m Tơdrong jang mă 2 lơ̆m trong kơdou hrĕnh Khánh Hòa – Buôn Ma Thuột hơtaih truh 11km. Atŭm hăm man trong trôm Phượng Hoàng, tơdrong ming man ou oei đei 10 tŏ gơng păng lơ jăl trong nai. Dang ei tơdrong tơlĕch jang vă jê̆ keh đang đei 90%.