‘Măng năm tơmang vă hơmet pơ ‘lơ̆ng tơgoăt tơgoăl, lui yom dih băl ƀar păh kơdră kơpal păng Kuô̆k hô̆i ƀar teh đak lơ̆m jăl jang ‘nao; adoi atŏk kơtang hơnăp jang tơbôl nghị viện, pơtrŭt kơtang jang hơdoi dih băl roi năr roi ‘lơ̆ng hơ iă, jơnei. Tơgoăt tơgoăl Việt Nam - Lào hơnơ̆ng hơmet pơ ‘lơ̆ng tơdrong tơgoăt tơgoăl gĭt kăl, jang hơdoi tôm tong păng tơgoăt jang kăl. Jang hơdoi mŭk drăm, mơdro sa păng tơmơ̆t jên jang ƀar păh ƀar teh đak đei lơ tơdrong hơ iă.Lơ̆m 7 khei blŭng sơnăm 2026, Việt Nam đei dơ̆ng 20 tơdrong vă jang tơmơ̆t jên jang lơ̆m teh đak Lào, hăm akŏp kon jên tơmơ̆t jang hloh 638 triu USD, pơm hơtŏk akŏp tơmơt jên jang truh 7 ti USD. Lơ̆m ‘măng năm tơmang, ƀar păh gô atŏk kơtang tơbăt dih băl trong jang pơjing khôi luơ̆t, dăr lăng, iung jang hơdoi tơlĕch jang rim tơdrong drơ̆ng mĭnh nơ̆r kơdră kơpal, hơmet pơ ‘lơ̆ng tơnap tap lơ̆m jang hơdoi mŭk drăm-tơpôl; adoi atŏk kơtang iung jang hơdoi tơ̆ rim ‘măng hop akŏm lơ̆m tơring apŭng plĕnh teh, tơgop pơm hơtŏk hơnăp jang, hơnih dơ̆ng kơ Kuô̆k hô̆i ƀar teh đak.