Đại tá Hoàng Hồng Bàn dang ei hŏk hôp tơ̆ Chi bộ kueng kơphô̆ 12, Đảng bộ phường Tân Bình, pơlei tơm HCM. Tơ̆ jơ pơjao hơpăh, Bí thư Đảng pơlei tơm HCM Trần Lưu Quang apĭnh jet gia jơhngơ̆m jăn, thơ thou kơ Đại tá Hoàng Hồng Bàn hơrih sot, hơnơ̆ng jing bơngai ‘lơ̆ng ăn jơhnơr mơlôh lăng kiơ̆. Ƀok pơma hơdăh, Grat đai 80 sơnăm  jang Đảng jĭ tơma hơpăh kăp gĭt, chih iŏk tơdrong plang pơyơ̆r đunh đai, tơdrong hơdrin păng mĭnh jơhngơ̆m đon hăm Đảng, hăm kon pơlei đơ̆ng bơngai đảng viên.

Đại tá Hoàng Hồng Bàn rơneh sơnăm 1927, pơlei pơla tơ̆ pơlei tơm Hải Phòng, vang jang kach mang đơ̆ng hrôih, tih ‘lŏ lơ̆m khŭl linh păng hlôi iŏk hơnăp jang lơ kơchư̆k lơ̆m tơdrong jang hrĕp, pơtho pơhrăm tơdrong jang. Lơ̆m kơplăh bơ̆jang, ƀok đei pơjao hơpăh lơ tơmam hơpăh kăp gĭt nhen Grat Quân công mă Ƀar, Grat Tơblăh jơnei mă Mônh păng mă Pêng, kŭm hăm lơ grat nai hai.