Kơting đei ‘nŭng lơ̆m 2 blăh hơnhŭn yayu, atŭm hăm lơ tơmam drăm nhen ƀlak ao, seo păng hơtơ̆k. Kiơ̆ đơ̆ng bơngai ƀôh kang bang kơl, sơnăm 1966, ƀô̆ đô̆i drŏ kăn jĭ rơka kơ yuơ ƀôm đak xăng, đei tung ba truh tơ̆ Hnam pơgang Suối Đá ming hơmet mă lei ưh kơ kĕ kơ klăih. Đơ̆ng rŏng ‘noh, ƀô̆ đô̆i ou đei ƀŭ tơ̆ bro ou. Hloh đơ̆ng chă hơlen nơ̆r tơroi đơ̆ng bơngai ƀôh kang bang kơl păng dôm tơmam đei tơchă ƀôh, khul bơ̆ jang sơkơ̆t hơdăh ‘nou jĭ kơting ƀô̆ đô̆i drŏ kăn lôch dŏng teh đak tim mă băt hơnăn. Kơchĕh kơting hlôi đei iŏk vă khăm hơlen ADN. ‘Nou jĭ kơting ƀô̆ đô̆i lôch dŏng teh đak mă 55 đei Khul K51 tơchă, kôch akŏm tơ̆ Đắk Lắk păng dêh char Mondulkiri, Campuchia lơ̆m ‘Măng iung jang 500 măng năr.