Pơma pơtôch hop akŏm, Tổng Bí thư, Kơdră teh đak bơ̆n pơgơ̆r athei đei tơdrong kơ-'nôh hơnhăk Việt Nam jing minh hơnih jang logistics, chơ pơdŭ păng asong tơmam drăm kăp gĭt lơ̆m tơring păng lơ̆m apŭng plenh teh. Tổng Bí thư, Kơdră teh đak bơ̆n pơgơ̆r hăm rim hơnih jang tơm, rim tơring tơlĕch jang drơ̆ng minh rim tơdrong jang, sơkơ̆t hơdah hơnih pơgơ̆r jang, tơchơ̆t păng sơnong pơm jang...

Lơ̆m noh akŏm pơklaih hloi dôm tơdrong tơhlăk tơhlĭn gah hơnih jang, hơnih jang tơm, pơkăp hơnih jang logistics păng tơroi tơbăt gah yư lĭu. Kiơ̆ kơ Tổng Bí thư, Kơdră teh đak, tơchơ̆t tơlĕch noh brư̆ brư̆ akŏm jên yua logistics hăm pơkăp kiơ̆ lơ̆m tơring păng lơ̆m apŭng plenh teh, hơtŏk 'lơ̆ng tơdrong jang, hơtŏk tơdrong kăp gĭt păng iŏk yua sơnong jang kơ Việt Nam lơ̆m tơdrong jang logistics lơ̆m tơring teh.