Kiơ̆ kơ ‘noh, ƀok Phạm Ngọc Nghị pơdơh kơ vang jang lơ̆m Khŭl chĕp kơ̆l pơgơ̆r Anih jang Đảng dêh char, pơdơh kơ pơm Phŏ Bí thư Đảng dêh char păng dôm kơchư̆k ƀơm truh. Dôm trong tơgŭm đei bơ̆jang kiơ̆ tơdrong hơgăt tơlĕch ăn.

Hơdrol ‘noh, ƀok Nghị hlôi đei hla ar apĭnh pơdơh hưu hơdrol sơnăm gơh pơdơh. Blŭng khei 4 âu ki, ƀok Nghị đei Anih Hơlen lăng Trung ương ki luơ̆t hăm trong pơtho đon yua kơ pơm glăi tơdrong hơgăt đơ̆ng Đảng păng khôi luơ̆t Teh đak, pơm hiong răm kơtang. Hơtuch sơnăm 2024, ƀok kŭm đei Thủ tướng ki luơ̆t pơtho đon yua đơ̆ng đei ưh kơ ‘lơ̆ng lơ̆m bơ̆jang.