Tơ̆ hop akŏm, bơngai tăh hla dôm phường Sông Cầu, Xuân Đài păng xăh Xuân Thọ athei dêh char Dak Lak jăh hơmet pơ 'lơ̆ng dôm tơdrong tơhlăk tơ̆ dôm tơdrong jang pơdui đunh, tơmơ̆t jên jang man anih tang găn teh hơlih tơ̆ jih đak dơsĭ, hơmet pơ 'lơ̆ng tơdrong tơhlăk tơ̆ tơdrong jang pơjing tơring kơdrơ̆m Sông Cầu păng chĕng hơmet anih kôch iŏk chuơh pơyua ăn tơdrong jang ming man tơ̆ âu.

Pơma pơtôch hop akŏm tơƀơ̆p bơngai tăh hla, ƀok Nguyễn Thanh Nghị chih iŏk tôm nơ̆r apĭnh đơ̆ng bơngai tăh hla, athei khul kơdră pơgơ̆r tơring păng anih jang kơpal dêh char Dak Lăk rơih hơmet, sek tơlang pơkeh dôm tơdrong găh hơnăp jang kơdih. Hơdai hăm 'nŏh, pơma hơdăh vă tưk tơiung đei tơdrong 'lơ̆ng, dêh char Dak Lăk jăh hơmet pơkeh trong tơproh jang tơ̆ xăh, phương, pơjing tơdrong 'lơ̆ng vă tơlĕch dôm tơdrong jang atŏk tơiung mŭk drăm-tơpôl.