Hơlen năng tơdrong jang man Hơbong đak Tham Lương - Bến Cát - Rạch Nước Lên, Thủ tướng pơma hơdăh, ‘nâu jĭ hơbong pơchoh đak păng trong nơnăm tơm kơjung 64km, athei dôm anih iŏk jang akŏm tôch ai kơmăy kơmŏk, khul bơngai jang, tơgĕch ƀât ‘năr rŏ tŏ hơlăng jăh man mă đang tơdrong jang ‘nâu.

Dăr lăng tơdrong jang tang găn đak lơ̆p tơ̆ plt Hồ Chí Minh đei hơlen truh tơdrong tơplih đơ̆ng tŏ ‘mi kial (jăl 1) ƀât đing simong Tân Thuận, trong Trương Đình Hợi, phường Xóm Chiếu, Thủ tướng Lê Minh Hưng athei dôm pang đei ƀơm truh hơtŏk đon jang mă tơnăp, jăh sek tơlang kĕh dôm tơdrong tơhlăk, ưh gơ̆h pơhuach kư̆ kă jên jang đơ̆ng teh đak păng tơpôl. Thủ tướng athei Anih vei lăng kon pơlei plt Hồ Chí Minh jang hơdoi mă kơjăp, drơ̆ng 1 trong jang găh jên hu păng tơdrong pơgơ̆r bơ̆ jang vă pơm đang hrôih đing simong Tân Thuận pơma hơdrô̆ păng đĭ đăng tơdrong jang tang găn đak dơsĭ tŏk pơma atŭm, pơyoa ăn tơdrong arih xa kơ kon pơlei.