Tơdrong Ban Bí thư pơjing Khŭl dăr lăng vă hơlen lăng dôm tơdrong jang đei kiơ̆ Tơdrong tơchơ̆t kơsô̆ 71 găh pơtho hŏk phô thŏng, lơ̆m nŏh akŏm pơm hơdăh 4 tơdrong tih đei: Tơdrong pơtho pơhrăm phô thŏng; Hla ar hŏk; tơmam drăm, lăm hŏk păng Khŭl jang, thây kô pơtho.

Pơma tơ̆ hop akŏm, ƀok Trịnh Văn Quyết, Kơdră chĕp kơ̆l Ban Tuyên giáo Trung ương, Kơdră Khŭl dăr lăng athei, mưh pơgơ̆r dăr hơlen ‘nŏh "pơma tơpăt, pơma tơpă, hơlen lăng mă trŏ", jang truh tôch, yua kơ "rim kơsơ̆p hla ar hŏk, rim lăm hŏk, rim thây kô pơtho tă ƀơm truh tơdrong đei yua tơ̆ ning mônh kơnh hăm dôm jĭt triu 'nu hŏk tro păng đon lui đơ̆ng dôm jĭt triu ŭnh hnam". Kiơ̆ đơ̆ng noh, tơgop hơnhăk tơdrong pơtho pơhrăm phô thŏng yak mơ̆t lơ̆m tơdrong sơđơ̆ng ‘lơ̆ng, pơtho hŏk pơhrăm roi rơgei, pơjing đei tơdrong kăl ăn tơdrong jang tŏk hrĕnh păng pran kơjăp kơ teh đak.