Kiơ̆ nơ̆r roi tơbăt đơ̆ng Anih tơm vei lăng choh jang xa păng cham char, lơ̆m kơsô̆ 38 nơ̆r athei đơ̆ng EC, đei 31 nơ̆r athei hlôi đei jang đang, oei pă 5 nơ̆r athei oei hơnơ̆ng jang pơkeh kiơ̆ trong đei tơlĕch păng 2 nơ̆r athei kăl đei pơma nuh, pơm hơdăh dơ̆ng vă vei sơđơ̆ng lăp hăm yăn âu păng khôi luơ̆t Việt Nam. Truh đĭ khei 9, jơ̆p teh đak đei hloh 80.000 ƀatto yâu ka đei chih măt, tơmơ̆t lơ̆m kơsô̆ chih răk tơdrong jang ka kơ teh đak. Kơsô̆ ƀato hlôi chô̆ đang kơmăy hơlen lăng trong yak đei jê̆ 99%.

Pơma pơtôch hop akŏm, Phŏ Thủ tướng athei đơ̆ng dang ei truh đĭ sơnăm kơchăng bơ̆jang kiơ̆ "5 ưh" vă tang găn tơdrong rôp yâu ka glăi hăm IUU ‘nŏh: ưh ăn đei dơ̆ng ƀato yâu ka đei teh đak đe rôp gơ̆t; ưh kơ lê̆ ƀato ưh đei tôm tơdrong ‘lơ̆ng năm bơ̆jang; ưh đei lê̆ pơm glăi VMS pơdui đunh; ưh đei lê̆ đei tơmam ưh băt anih jang đei; ưh đei lê̆ kơsô̆ chih jô̆ ưh trŏ hăm kơsô̆ chih răk, hô sơ păng tơdrong đei tơpă. Rim tơring athei vei lăng kơjăp ƀato rôp yâu ka hơdang, chih răk rim kơsô̆ mă trŏ, tơpăt ‘lơ̆ng, gơh hơlen lăng; hơmet pơ 'lơ̆ng dôm tơdrong ưh kơ lăp, ưh gơ̆h lê̆ 1 tơring jang tam mă 'lơ̆ng ƀơm kơnê̆ truh tơdrong adrin atŭm lơ̆m tơdrong pơhnŏng pleh hŭt lê̆ "The jơk" đơ̆ng EC.