Ƀok Tạ Hồng Quang jang kơchư̆k Kơdră Hơnih jang Nô̆i chinh Tĭnh uy Khánh Hòa
Thứ sáu, 10:15, 12/06/2026
Lan chih tơblơ̆
Lan chih tơblơ̆
VOV.Bahnar – Kơsơ̆ năr 11/6, Tĭnh uy Khánh Hòa pơgơ̆r hop akŏm tơbang dôm tơchơ̆t gah tơdrong jang kang ƀô̆. Kiơ̆ kơ noh, ƀok Tạ Hồng Quang, jang lơ̆m Tĭnh uy, Ƀĭ thư Đang uy, Kơdră Hô̆i đŏng kon pơlei phương Nha Trang đei pôk jang Kơdră Hơnih jang Nô̆i chinh Tĭnh uy Khánh Hòa.
Pơma pơjao sơnong jang, ƀok Hồ Xuân Trường, Phŏ Ƀĭ thư Hơnih jang Tĭnh uy Khánh Hòa ăn tơbăt, tơdrong keh đang kơchư̆k Kơdră Hơnih jang Nô̆i chinh Tĭnh uy vă asong tôm tơdrong pơgơ̆r tơdrong jang nô̆i chinh, tang găn păng tơjră xa pơjĭp, pơhuach kư̆ kă, păng hơmet 'lơ̆ng khôi luơ̆t lơ̆m jăl jang 'nao.
Phŏ Ƀĭ thư Hơnih jang Tĭnh uy Khánh Hòa pơtruh nơ̆r hăm ƀok Tạ Hồng Quang dah tenh kuăng pơtơm tơdrong jang, iŏk yua pơkăp chĭnh trĭ, hơtŏk tơnăp tơdrong jang hơdoi đơ̆ng dôm hơnih jang vă dah keh đang tơnăp sơnong jang đei pơjao.
Viết bình luận