Đon pơhnŏng âu đei pơma tơlĕch tơ̆ Hop akŏm pơtâp pơhrăm pơm hơtŏk Kơsô̆ tơplih ‘nao rơgei tơ̆ tơring (PII) sơnăm 2026 đơ̆ng Anih vei lăng jang Khoa hŏk păng kơmăy kơmŏk dêh char Đắk Lắk pơgơ̆r.

Vă jang đei tơdrong ‘nâu, dêh char Đắk Lắk chih hơdăh vă akŏm jơhngâm atŏk pơ ‘lơ̆ng dôm kơsô̆ PII, mă loi jĭ dôm tơdrong hơgăt ƀơm truh tơdrong tơchĕng hơlen păng atŏk tơiung, khul bơngai jang khoa hŏk kơmăy kơmŏk, tơdrong jang tơplih ‘nao rơgei tơ̆ anih tĕch mơdro, tơplih hăm kơmăy sô̆, atŏk tơiung tơmam rơgei păng tĕch mơdro dôm tơdrong tơchĕng hơlen đei.

Atŭm hăm ‘nŏh, hơtŏk tơdrong jang hơdoi đơ̆ng dôm anih jang kơpal, tơring tơrang vă chih akŏm, chih tơmât rim kơsô̆ jang đei păng pơm hla ar tơblang hơdăh vă pơyoa ăn tơdrong hơlen năng rim sơnăm.