Lơ oh akhan, đê thi ‘moi kiơ̆ tơdrong đei hŏk tơ̆ hnam hŏk, đê apinh găh đŏk hlôh kŭm ƀônh păng kâu chih tơblang ‘nŏh đei lơ tơdrong ưh ê hăm đe oh hŏk tro. Chih iŏk tơ̆ dôm anih thi tơ̆ Đắk Lắk ăn ƀôh, đơ̆ng rŏng kơ thi đang môn Văn, lơ hŏk tro tôch hơđơ̆ng jơhngâm, ưh đei pơngơ̆t kiơ.

Lơ oh tơgĕch pơma nuh hăm băl găh ƀai mă đe oh pơm, adrol kơ vih pơdơ̆h tơ̆ hnam, hơmet ăn môn thi đơ̆ng rŏng dơ̆ng tơ̆ kơsơ̆, ‘nŏh jĭ môn Toán. Tơdrong pơgơ̆r thi tơ̆ dôm anih thi lơ̆m dêh char Đắk Lắk đei pơgơ̆r tơpăt ‘lơ̆ng, tơdrong sơđơ̆ng đei vei lăng kơjăp, pơjing tơdrong hiôk hian ăn đe oh hŏk tro mât thi dôm môn đơ̆ng rŏng, hăm jơhngâm đon sơđơ̆ng ‘lơ̆ng, khŏm pơm đei ƀai thi ‘lơ̆ng hlŏh.