Ƀok Trần Cẩm Tú pơma hơdăh, tơchĕng hơdrol ‘năr 14/1 truh gô pơgơ̆r hơmet hơdrol păng ‘năr 15/1 hơmet tôm dôm hơyak tuch luch hơdrol kơ năr pơgơ̆r pơih blŭng Hop akŏm XIV, yua thoi noh dôm anih jang athei jang hơdai kơjăp, hơtŏk ‘lơ̆ng jơhngơ̆m đon jang tơnăp jang pơkeh tơdrong pơrŏ ‘lơ̆ng, tơmam re, ŭnh hơdăh.... tơ̆ Hơnih hop akŏm tơm kiơ̆ ƀlep hla ar chhơ̆ păng roi tơbăt athei pơgơ̆r tơ̆ jơ hơlen lăng, vei sơđơ̆ng lăp ‘lơ̆ng, ƀlep tơdrong joăt. Kiơ̆ tơchĕng hơdrol, Hop akŏm bơngai tang măt lơ̆m teh đak ‘măng mă XIV kơ Đảng pơgơ̆r lơ̆m 7 năr (đơ̆ng ‘năr 19 - 25/1/2026).

Đơ̆ng dang ei truh pơgơ̆r pơih blŭng Hop akŏm XIV kơ Đảng oei hloh 10 năr, Chĕp kơ̆l pơgơ̆r Ban Bí thư Trần Cẩm Tú tơƀôh đon lui ngeh rim anih jang hơdai gô hơnơ̆ng hơdrin, jang hơdai mă ‘lơ̆ng vă jang đang dôm tơdrong uơ oei dơ̆ng ‘lơ̆ng hloh, vă kơ truh ‘năr 14/1 pơgơ̆r hơmet ăn hơdrol; ‘năr 15/1 gô pơgơ̆r hơmet ăn pơtôch dôm hơyak tuch luch hơdrol kơ năr pơgơ̆r pơih blŭng Hop akŏm.