Ưh đei lê̆ klui tơdrong jang vei sơđơ̆ng tơpôl ăn 'măng pôk rơih tơ̆ Đăk Lăk
Thứ sáu, 10:33, 09/01/2026
Lan chih tơblơ̆
Lan chih tơblơ̆
VOV.Bahnar – 'Năr brei (8/1), Khul jang hơlen kơ Hơnih jang vei sơđơ̆ng tơpôl – Jơnŭm pơgơ̆r pôk rơih kơ teh đak hlôi pơm jang hăm Hơnih jang Kanh sat kơ đŏng, Kŏng an dêh char Đăk Lăk păng Khul linh 303, Trung đoan 584, Hơnih tơm vei lăng Khul linh dêh char gah tơdrong jang kơchăng tơjră kơnê̆, vei sơđơ̆ng tơpôl ăn 'măng pôk rơih bơngai jang tang măt Kuô̆k hô̆i jăl 16 păng bơngai jang tang măt ăn Hô̆i đŏng kon pơlei dôm jăl đơ̆ng sơnăm 2026–2031.
Tơ̆ jơ pơm jang, kơdră Hơnih jang Kanh sat kơ đŏng păng Khul linh 303 ăn tơbăt, dôm hơnih jang hlôi kơchăng tôm tơdrong kăl, asong khul jang vă kơchăng tơjră kơnê̆ kiơ̆ trŏ tơdrong pơgơ̆r đơ̆ng đe kơdră kơpal, vei sơđơ̆ng dôm hơnih tơm, kơchăng tơjră tơtom dôm tơdrong đei ƀôh.
Trung tướng Trần Đức Thuận, Phŏ Kơdră Hơnih jang Vei sơđơ̆ng tơpôl păng Jang Tơbôl kơ Kuô̆k hô̆i băt hơdah, hmach bơnê kơ tơdrong jang tơnăp 'lơ̆ng đơ̆ng rim hơnih jang khul linh lơ̆m tơdrong jang hơmet păng tơlĕch vei sơđơ̆ng tơpôl 'măn ăn tơdrong jang pôk rơih.
Viết bình luận