Dôm tơmam drăm đei hơlen kơhret kiơ̆ Tơđrong tơchơ̆t OCOP; atŭm tơguăt hăm hơlen tơdrong pơm tơlĕch tơ̆ tơring, vă pơtrŏ hăm tơchơ̆t tơlĕch. Tơdrong châ̆m điêm akŏm lăng gah tơdrong 'lơ̆ng, tơdrong pơm tơlĕch, băt hơdah tơm la chă, um rup păng tơdrong chih hơnăn kơ rim tơmam drăm. Lơ̆m 10 tơmam drăm đei iŏk pơkăp 4 sao, đei: 6 tơmam drăm chehphe hơdrĕng ot păng chehphe klong; 1 tơmam Ƀanh bột lọc Đạt Lý; 2 tơmam Bún khô Chi Lăng păng Phở khô Chi Lăng păng 1 tơmam noh Plei gui yuăn.

Truh dang ei jơ̆p dêh char Đăk Lăk hlôi pơkăp đei 764 tơmam drăm OCOP, lơ̆m noh 2 tơmam drăm iŏk đei pơkăp 5 sao, 60 tơmam drăm iŏk đei pơkăp 4 sao. Lơ grŭp tơmam drăm dơnơm nhen chehphe, ka kao, măk ka, plei 'long xa kăp gĭt tŏk bŏk oei đei hơnih dơ̆ng kơjăp lơ̆m tơdrong tĕch răt lơ̆m teh đak păng gô vă akŏm tĕch ăn teh đak đe.