Lơ̆m kơthơ đei chih: Ƀơ̆t 'măng Ƀok đei pôk pơm Tổng Bí thư Ƀan châ̆p hanh Trung ương Đảng Kon pơlei kăch mang Lào jăl 12, tang măt ăn Ƀan châ̆p hanh Trung ương Đảng Cộng sản Việt Nam, inh chơt hơ-iă pơtruh ăn kơ Ƀok nơ̆r thơ thou hơ-iă hloh. Tơdrong lui ngeh đei pôk jang đơ̆ng tôm Đảng, tôm kon pơlei hăm Ƀok tơƀôh đon lui kơjăp hăm tơdrong pơgơ̆r kăp gĭt đơ̆ng Đảng Kon pơlei kăch mang Lào lơ̆m jăl trong tơ-iung pơjing păng vei lăng teh đak.

Ƀơ̆t 'măng ou, inh pơtruh nơ̆r thơ thou hơ-iă hăm Ƀok pơtoi jang đei jơnei hăm kơchư̆k jang 'nao kơ po, pơtoi đei lơ tơgop tih tên ăn tơdrong jang kăch mang nuih mơng kơ Đảng, Teh đak păng Kon pơlei Lào, atŭm hăm đe kơdră kơpal păng Kon pơlei 2 teh đak Lào - Việt Nam pơtoi hơtŏk, kơhret hloh dơ̆ng tơdrong tơbôl kăp gĭt, tơguăt tơguăl, jang tôm tơdrong, tơguăt dih băl tơlĕch trong pơm jang Việt Nam - Lào.