Tơ̆ jơ pơm lêh, tang măt ăn kơdră chĕp kơ̆l Đảng, Teh đak, Thủ tướng Phạm Minh Chính hơpăh Mê đai bơ̆ jang dơ̆ng mă mônh ăn khul grŭp lơ̆m Công ty tơm chơchoh hơbăn ao May 10, pôk pơ ư dôm tơdrong jơnei tôch hơiă mă rim jơhnơr “bơngai chơchoh hơbăn ao May 10” adrin jang đei lơ̆m 80 sơnăm âu ki.

Thủ tướng lui hăm tơdrong juăt 2 ‘măng iŏk đei Hơnăn Kơtang nuih mơng, Công ty tơm chơchoh hơbăn ao May 10 hơnơ̆ng “Mât 1 ƀơ̆r đon – Jang tơnăp – Tơplih ‘nao – Vang jang hơdoi – Gơ̆h hơgei – Jang tŏk pran kơjăp”, hơnơ̆ng pơ ‘yoi dơ̆ng “brai măih” tanh pơjing tơdrong arih xa ning mônh kơnh ‘lơ̆ng rŏ, jang tŏk roi đunh roi pran, vang tơgop roi tơgăl ăn tơdrong hơpơi ‘mĕh pơjing teh đak hơnŭk hơnoa, gơ̆h hơgei, hiôk chơt.