Hop akŏm hlôi drơ̆ng nơ̆r tơroi hơnăn 145 'nu bơngai lĕch măt tơgar jang tang măt ăn Kuô̆k hô̆i pơm jang ah jăl 16 tơ̆ Trung ương. Pơma pơtôch hop akŏm, Kơdră Kuô̆k hô̆i Trần Thanh Mẫn pơjao ăn Hơnih juăt jang gah Tơdrong jang bơngai tang măt jang hơdoi hăm dôm hơnih jang pơtoi hơlen pơkăp hô sơ, keh đang hla bar kăl vă tơroi ăn Hơnih juăt jang kơ Kuô̆k hô̆i gah hơnăn bơngai đei pơtruh lĕch măt tơgar jang tang măt ăn Kuô̆k hô̆i pơm jang ah jăl 16 tơ̆ Trung ương păng tơroi truh dôm hơnih jang, tơ-'ngla bơngai jang vă iŏk nơ̆r tơgop đơ̆ng bơngai tah hla tơ̆ hơnih pơm jang păng pơm hla bar lĕch măt tơgar jang tang măt ăn Kuô̆k hô̆i jăl jang 16 tơ̆ Trung ương vei sơđơ̆ng kiơ̆ trŏ pơkăp đơ̆ng khôi luơ̆t teh đak; keh đang Tơchơ̆t pôk Bơngai tơgŭm jang ăn Kơdră Hơnih juăt jang Kuô̆k hô̆i.

Kơdră Kuô̆k hô̆i pơgơ̆r Hơnih jang Kuô̆k hô̆i jang atŭm hăm Hơnih juăt jang gah Tơdrong jang bơngai tang măt pơgơ̆r Hop akŏm iŏk nơ̆r tơgop đơ̆ng bơngai tah hla ah hơnih pơm jang hăm dôm bơngai lĕch măt tơgar tŏk bŏk oei pơm jang tơ̆ dôm hơnih jang kơ Kuô̆k hô̆i.