Hơdrol kơ noh, adoi ah Hop akŏm 'măng mă mônh Ƀan châ̆p hanh Trung ương Đảng jăl XIV, ƀok Trần Sỹ Thanh đei pôk jang lơ̆m Hơnih tơm Chinh trĭ jăl XIV.

Kơdră 'nao kơ Hơnih jang Hơlen lăng Trung ương Trần Sỹ Thanh rơneh sơnăm 1971, pơlei pơla dêh char Nghệ An. Ƀok hŏk đang Thạc sĩ Kinh tế, Đại học Tài chính - kế toán; Cao cấp lý luận chính trị.

Ƀok Jang lơ̆m Trung ương Đảng jăl XI (jang hơmŏ), XII, XIII, XIV; jang tang măt ăn Kuô̆k hô̆i 2 jăl XIV, XV.

Lơ̆m tơdrong pơm jang, ƀok hlôi jang lơ kơchư̆k: Kơdră Hơnih jang vei jên kơ teh đak (Hơnih tơm Jên hu); Phŏ Kơdră kơ Hơnih Vei jên kơ Teh đak; Phŏ Kơdră Hơnih jang vei lăng kon pơlei dêh char Dăk Lăk; Phŏ Ƀĭ thư Tĭnh uy Đăk Lăk; Ƀĭ thư Tĭnh uy Bắc Giang; Phŏ Kơdră Hơnih jang Hơlen lăng Trung ương; Ƀĭ thư Tĭnh uy Lạng Sơn; Phŏ Kơdră Hơnih jang Mŭk drăm Trung ương, Kơdră Hơnih jang gah Đak dou Hơyuh soh kơ teh đak; Phŏ Kơdră Hơnih jang kơ Kuô̆k hô̆i; Kơdră dơnơm Kiêm toan Teh đak.

Khei  7/2022, Hơnih tơm Chinh trĭ pôk ƀok Trần Sỹ Thanh vang jang lơ̆m Ƀan châ̆p hanh, Hơnih juăt jang păng jang kơchư̆k Phŏ Ƀĭ thư Thanh uy Hà Nội. Đơ̆ng rŏng kơ noh ƀok đei Hô̆i đŏng kon pơlei pơlei tơm Hà Nội pôk jang Kơdră Hơnih jang vei lăng kon pơlei pơlei tơm Hà Nội.

Năr 5/11/2025, tơ̆ Hop akŏm 'măng mă 14 Ƀan châ̆p hanh Trung ương Đảng jăl XIII, ƀok Trần Sỹ Thanh đei pôk jang lơ̆m Hơnih tơm jang Hơlen lăng Trung ương păng đei pôk jang kơchư̆k Kơdră Hơnih tơm jang Hơlen lăng Trung ương jăl  XIII.