

Pơgê brei, năr 23/4, Khul kơdră chĕp pơgơ̆r Đảng dêh char Dak Nông hlôi hop akom păng pơdrơ̆ng kiơ̆ trong jang hơmet ming rim tơring. Đơ̆ng 71 tơring, phương, thĭ trân, Dak Nông gô hơmet lê̆ pă 28 tơring, phương. Trong jang ou gô hơnơ̆ng đei pơtruh ăn Jơnŭm vei lăng kon pơlei dêh char Dak Nông, tơ̆ ‘măng hop akŏm pơgơ̆r lơ̆m năr 25/4 kơnh. Hơdrol kơ ‘noh, Hơnih vei lăng kon pơlei dêh char Dak Nông hlôi ăn hloh 148.600 kơphĭu tơgop nơ̆r ăn rim bơngai tang măt ăn dôm kon pơlei tăh hla kơ đĭ đăng ŭnh hnam lơ̆m dêh char. Pơtôch hơlen, đei 144.643 ‘nu bơngai tăh hla lăp đon hăm trong hơgrop jing mĭnh, jơnei hloh 96%. Găh hơnih jang kơ phương, pơlei tơm Gia Nghiã hơgrop jing 3 phương nhen tơ̆ hơla ou: pơjing phương Bắc Gia Nghĩa ‘moi kiơ̆ hơgrop rim phương Quảng Thành, Nghĩa Thành, Nghĩa Đức păng tơring Dak Ha; Pơjing phương Nam Gia Nghĩa ‘moi kiơ̆ hơgrop rim phương Nghĩa Phú, Nghĩa Tân păng tơring Dak R’Moan;Pơjing phương Đông Gia Nghĩa ‘moi kiơ̆ hơgrop phương Nghĩa Trung hăm tơring Dak Nia.
Viết bình luận