Kiơ̆ hla ar roi tơbăt, bơngai tăh hla păng Kon pơlei lơ̆m teh đak hơnơ̆ng tơƀôh tơdrong bơngơ̆t truh, lui ngeh lơ̆m tơdrong chĕp kơ̆l đơ̆ng Đảng lơ̆m pơjing Đảng, tơdrong jang chĭnh trĭ păng tơdrong jang kang ƀô̆; hơdai hăm hơmĕng lơ̆m tơdrong hơmet ăn Hop akŏm lơ̆m teh đak ‘măng mă 14 kơ Đảng, kŭm nhen dôm trong vă jang hơtŏk tơiung mŭk drăm - tơpôl sơnăm 2026 păng dôm sơnăm đơ̆ng rŏng dơ̆ng.

Bơngai tăh hla păng Kon pơlei tơroi, bơngơ̆t tơ̆ hơnăp tơdrong ‘mi tih đak lơ̆p kơtang tơ̆ tơring Tŏk bŏk păng lơ tơring groi kông, pơm ăn hiong răm tih găh bơngai, mŭk tơmam; chih iŏk tơdrong kơchăng đơ̆ng Khŭl kơdră teh đak, tơdrong mơ̆t jang tơtom đơ̆ng rim khŭl lĭnh kơpal păng khŭl kơdră tơring lơ̆m dŏng tơgŭm, pôk rĭ kon pơlei, tơgop tang găn hiong răm tŏ sĕt hloh.