Tơmam nhôm hơpôm mă blŭng iŏk đei ‘lơ̆ng 99,71%; tơdrong jang 1 đơ̆ng hnam kơmăy đei kŏng suơ̆t 150.000 tấn lơ̆m 1 sơnăm păng gô hơtŏk 300.000 tấn lơ̆m hơtuch sơnăm, hơdrol kơ iŏk đei kŏng suơ̆t pơm 450.000 tấn rim sơnăm lơ̆m jăl khei mă I/2027. Pơma tơ̆ jơ pơm lêh, Đại tướng Phan Văn Giang, Phŏ Thủ tướng Teh đak, Kơdră Anih tơm vei lăng Khŭl linh pơma hơdăh, tơdrong pơm tơlĕch jơnei nhôm hơpôm ‘noh jĭ tơƀôh jơhnơr hơrih đơ̆ng anih jang găh mam Việt Nam, bơ̆jang kiơ̆ ‘lơ̆ng trong jang đơ̆ng Đảng păng Nhà nước găh hơtŏk tơiung kơmăy kơmŏk pơm tơlĕch ‘lơ̆ng tơmam drăm kăl lơ̆m teh.

Đại tướng Phan Văn Giang athei rim anih tơm, anih jang hơnơ̆ng hơmet pơ ‘lơ̆ng trong jang, tơdrong tơgŭm hơtŏk tơiung anih jang kơmăy kơmŏk nhôm; dêh char Lâm Đồng tŭn pran tơmơ̆t jên jang anih jang kăl, unh hơyuh, logistics păng sơng đei rim tơdrong jang pơm tơlĕch jrŭ đơ̆ng nhôm.