Mưh keh đang, tơdrong vă jang gô tơgop pơm sơđơ̆ng tơdrong hơrih sa ăn hloh 200 ŭnh hnam kon pơlei hơnơ̆ng răm ‘mi kial pơrăm tơ̆ tơring. Tơdrong vă jang pơjing hơnih oei sa sơđơ̆ng đơ̆ng tơring ‘mi kial pơrăm tơ̆ tơring Ia Tul đei akŏp kon jên jang hloh 200 ti hlak jên, kơ yuơ Hơnih bơ̆ jang vei lăng rim tơdrong vă jang tơmơ̆t jên jang ming man dêh char Gia Lai pơm tơ-‘ngla tơmơ̆t jên jang.

Tơdrong vă jang să vă jê̆ 22ha, đei tơmơ̆t jên jang ming man trong nơnăm, đing pơro đak sŏ nhă, ŭnh hơyuh, ŭnh hơyuh jơ̆ng ‘năr păng pơtruh đak sŏ đơ̆ng 3 tŏ đak koai koer. Ƀok Phạm Văn Đức, Kơdră chĕp pơgơ̆r Hơnih vei lăng kon pơlei tơring Ia Tul, dêh char Gia Lai tơbăt, tơdrong vă jang vă yông hăt hot 207 ŭnh hnam kon pơlei oei lơ̆m Bôn Jứ, pơlei hơnơ̆ng lơ sơnăm ou ki tơjră muh măt hăm tơdrong hơmơt teh tơdrŭt hơlih, pơm pơjoă truh jơhngơ̆m jăn păng mŭk drăm kơ kon pơlei rim ‘măng ‘mi kial hơbŭt hơbông truh.