Khánh Hòa hơtŏk tơdrong jang kơmăy pơvih pơvăn, sơng iŏk jên jang FDI tơ̆ anih pơm ƀato
Thứ sáu, 10:28, 24/07/2026
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV.Bahnar – ‘Năr 23/7, tơ̆ Tơring jang kơmăy Ninh Thủy, phường Đông Ninh Hòa, Tơring jang mŭk drăm Vân Phong, dêh char Khánh Hòa pơgơ̆r tơlĕch Tơdrong jang man Hnam kơmăy hơmet pơ ‘lơ̆ng tơmam (Block) pơm ‘nao ƀato đơ̆ng Công ty Miboo Heavy Industries.
Tơdrong jang đei hơmĕng vang tơgop pơjing đei trong pơtruh kơmăy kơmŏk pơvih pơvăn, pơm hơtŏk kơmăy đei pơm kơdih lơ̆m Anih pơm ƀato. Tơdrong jang yoa Anih jang đei 100% jên jang đơ̆ng Hàn Quốc, hăm đĭ đăng jên jang hlŏh 528 ti, pơm tơ̆ anih teh xă hlŏh 12 ha, đei kơsư̆k jang truh 30.000 tân tơmam 1 sơnăm.
Kiơ̆ trong jang, tơdrong jang ‘nâu gô jang đang lơ̆m jăl 1 ƀât jăl khei mă I/2027, tơmât yoa lơ̆m jăl khei mă II/2027 păng jang đang đĭ đăng lơ̆m jăl khei mă III/2027. Mưh đei tơmât yoa bơ̆ jang sơđơ̆ng ‘lơ̆ng, hnam kơmăy âu gô chă tơdrong jang ăn dang 300 ‘nu bơngai, đơ̆ng rŏng kơ ‘nŏh tŏk truh 500 ‘nu bơngai; tơgop đơ̆ng 10 truh 12 ti hlak jên 1 sơnăm ăn anih mong jên kơ tơring.
Viết bình luận