Tơ̆ jơ tơƀâp, ƀok Trần Cẩm Tú pơma hơdăh Việt Nam ling lang năng Nhật Bản jĭ 1 lơ̆m dôm teh đak jang hơdoi gĭt kăl tơm păng đunh đai, tơgŭm ăn Nhật Bản jang tŏk păng hơnơ̆ng tơgop ‘lơ̆ng ăn tơdrong pơjing rơngei, vei sơđơ̆ng ‘lơ̆ng, jang hơdoi păng jang tŏk tơ̆ tơring păng apŭng plenh teh. 

Ƀar păh drơ̆ng nơ̆r jang hơdoi kơjăp vă tơlĕch jang dôm tơdrong drơ̆ng nơ̆r đơ̆ng kơdră chĕp kơ̆l 2 teh đak, lơ̆m noh đei hơtŏk tơdrong jang hơdoi păng vei sơđơ̆ng mŭk drăm, jang hơdoi khoa hŏk kơmăy kơmŏk, tưk tơiung păng bơ̆ jang dôm tơdrong jang hơdoi mă hơdăh lơ̆m dôm tơdrong 'nao nhen tơplih hăm kơmăy sô̆, tơplih rơgŏh 'lơ̆ng, tơplih 'nao rơgei, jang khoa hŏk kơmăy kơmŏk, kơchơ̆t ƀan yân.