Dang ei, tôm kơting linh hlôi đei 'nhăk ƀŭ tơ̆ Pơsat ƀlŏk tơbăt kơ Linh lôch tang Bình Thuận vă pơjao ăn rim tơring, hơmet pơdong groong ƀŭ trŏ nhen tơchơ̆t. Atŭm hăm noh, hơnih juăt jang hlôi iŏk kơcheh kơting, chih lơ̆m kơmăi kơsô̆ tơdrong kăl băt păng pơkăp kơsô̆ hơnăn măt. Tơdrong mă ou 'măn ăn tơdrong jang pơkăp ADN vă dah hrôih pơdreo hơnăn măt ăn linh lôch tang.

Kiơ̆ bơngai tang măt ăn Hơnih vei lăng Khŭl linh dêh char Lâm Đồng, 'măng akŏm ou jĭ tơdrong đei đơ̆ng chă sơkơ̆t hơdah tenh kuăng. Đơ̆ng rŏng kơ iŏk đei nơ̆r pơtruh đơ̆ng Jơnŭm chih tơchơ̆t tơgŭm xah Hòa Thắng, hơnih jang hlôi pơm jang hăm dôm bơngai bơ̆ng pang ăn jơhnơr hơrih, atŭm hăm noh hơlen pơtêng hăm dôm tơdrong đei chih gah dôm tơdrong tơblah tơ̆ tơring vă sơkơ̆t hơdah hơnih chă sir kôch.