Kơdră Kuô̆k hô̆i sơkơ̆t hơdah Việt Nam ling lang lăng Nhật Bản jĭ teh đak vang jang kăp gĭt hloh, đunh đai păng hăt hot tơgŭm ăn sơnong jang kơ LDP. Atŭm hăm noh, hơpơi 'meh 2 pah jang atŭm kơjăp vă kơhret kơjăp hloh tơdrong jang hơdoi Tôm tơdrong, pơm hơdah dôm tơchơ̆t kơpal đơ̆ng 'măng năm tơmang Việt Nam đơ̆ng Thủ tướng Takaichi Sanae (5/2026).

Kuô̆k hô̆i Việt Nam sơkơ̆t hơdah pơm trong hiôk gah khôi luơ̆t vă pơm jang đei jơnei dôm tơchơ̆t ou. Kơdră Kuô̆k hô̆i Trần Thanh Mẫn pơtruh nơ̆r hăm Đảng LDP tơgŭm pơgơ̆r dôm Lêh akŏm Việt Nam – Nhật Bản tơ̆ pơđĭ 2 teh đak, adoi nhen dôm tơdrong hop akŏm tơroh rim tơring nhen Hop akŏm tơring kơ Việt Nam - Nhật Bản 'măng mă 2 tơ̆ Huế ah khei 9/2026 păng tơdrong Akŏm joh ayŏ Việt Nam – Nhật Bản ah hơtuch khei 9/2026 tơ̆ Cần Thơ.