Lơ̆m jơhngơ̆m đon ƀrơ̆k mơnat, Kơdră Quốc hội Trần Thanh Mẫn păng Khŭl bơ̆jang hlôi soh nhang ƀâu phu, tơƀôh jơhngơ̆m đon băt bơnê gĭt kăl kơ nhap ƀok Tổng Bí thư Trần Phú păng rim Linh nuih mơng lôch tang ăn teh đak hlôi nuih mơng iung tơblăh, hŭt hơkâu yua kơ tơdrong rơngei, hiôk hian kơ teh đak, yua kơ tơdrong hiôk chơt kơ kon pơlei.

Vă pơlung rim khŭl linh tŏk bŏk bơ̆jang hơnăp jang tơchă, sir iŏk akŏm kơting linh lôch tang ăn teh đak păng hơlen lăng băt đei hơnăn kơting linh lôch tang ăn teh đak tơ̆ Cham ngôi pơhiơ̆ Lê Thị Riêng, Kơdră Quốc hội Trần Thanh Mẫn; Kơdră chĕp kơ̆l pơgơ̆r Ban Bí thư Trần Cẩm Tú păng Kơdră Anih jang Trung ương Mặt trận Tổ quốc Việt Nam Bùi Thị Minh Hoài hlôi pơjao asong dôm tơpu tơmam ăn kơ rim khŭl linh tŏk bŏk jang hơnăp jang tơ̆ âu.