Pơma pơtôch jơ pơm jang, Đại tướng Trịnh Văn Quyết bơnê kơ tơdrong kơchăng, tơnăp đơ̆ng dêh char Quảng Ngãi lơ̆m tơdrong hơmet ăn pôk rơih. Đại tướng Trịnh Văn Quyết akhan, dôm tơdrong pơgơ̆r, pơma đam, hơmet bơngai jang, vei sơđơ̆ng tơpôl, hlôi đei pơm jang tơnăp, trŏ tơchơ̆t.

Ƀok Trịnh Văn Quyết tơrĕk, 'măng pôk rơih mă ou pơgơ̆r lơ̆m khei năr dêh char pơm kiơ̆ pơkăp jơnŭm pơgơ̆r tơring 2 tăl, đơ̆ng rŏng kơ pơkăp hơnih jang hanh chinh, tơring teh noh să, lơ kang ƀô̆ 'măng mă blŭng jang gah tơdrong jang pôk rơih. Kơyuơ noh, dêh char Quảng Ngãi kăl pơtoi hơtŏk pơhrăm, hơlen mă kơjăp hơnăn bơngai tah hla, mă kăl noh tơ̆ dôm tơring jang kŏng ngĭp đei lơ kơsô̆ bơngai tah hla hơnơ̆ng kơ tơplih.