Đơ̆ng rŏng kơ tơmât hơdai, dêh char Lâm Đồng oei bơ̆ jang chĕng hơmet, tơproh trong jang ăn dôm tơring jang kơmăy, hơlen năng tơdrong vă hŭt lê̆ tơdrong chĕng hơmet 6 tơring jang kơmăy; tơplih 14 tơring jang kơmăy đei lơ̆m tơdrong tơproh jang mă lei hơnat vă sơng iŏk jên jang jing gơ̆t lê̆ ‘mơ̆i, vă tơlĕch jang đơ̆ng rŏng kơ sơnăm 2030 dơ̆ng. Atŭm hăm ‘nŏh, hơmet ming ‘nao 15 tơring jang kơmăy tơmât lơ̆m trong jang đơ̆ng 2026- 2030. Thoi noh, đơ̆ng 2026- 2030, dêh char Lâm Đồng chĕng hơmet 62 Tơring jang kơmăy, lơ̆m teh xă hlŏh 2.300 ha.

Yă Cao Thị Thanh, Phŏ Kơdră Anih vei lăng jang kơmăy, tĕch mơdro dêh char Lâm Đồng ăn tơbăt, đon tơchĕng ‘mĕh hơmet ming tơdrong tơproh trong jang đơ̆ng tơring sơng iŏk jên jang mơmat jing tơmât jang tơ̆ tơring hiôk hian, ƀônh sơng iŏk jên jang. Yoa thoi noh, trong hơmet ming dôm tơring jang kơmăy tơ̆ dêh char Lâm Đồng gô vă pơjing lơ tơring jang tih jê̆ đak dơsĭ, găh dêh char Bình Thuận so ki.