Tơ̆ jơ sơng, Thủ tướng Phạm Minh Chính hôn bơnê dôm tơdrong hơdrin păng tơgop ‘lơ̆ng đơ̆ng Bơngai tang măt ăn Hàn Quốc lơ̆m tơdrong jang hơdai pơtrŭt pơvei 2 teh đak hơtŏk tơiung tơpă, đei yua lơ̆m lơ tơdrong jang. Vă hơnơ̆ng pơtrŭt pơvei Jang hơdai Gĭt kăl tôm tơdrong, Thủ tướng athei 2 păh pơtrŭt jên tĕch tơmam jăh iŏk đei 100 ti USD păng yak truh 150 ti USD lơ̆m sơnăm 2030 kiơ̆ trong pơm hơtŏ; pơtrŭt anih mơdro sa Hàn Quốc pơih să tơmơ̆t jên jang lơ̆m rim tơdrong jang bán dẫn, kơmăy kơmŏk, ŭnh hơyuh rơgoh...

Mă loi ‘noh, tơ̆ hơnăp đei ƀôh tơdrong sơđơ̆ng krê hơmơt tơ̆ tơring Trung Đông, Thủ tướng athei 2 păh vang jang hơdai kơjăp vă tơjră hăm dôm long nol hrei ‘nâu, mă kăl ‘noh lơ̆m tơdrong vei sơđơ̆ng ŭnh hơyuh teh đak, pơvei hơtŏk tơiung mŭk drăm păng sơđơ̆ng tơdrong hơrih sa kơ kon pơlei.