Tơ̆ jơ sơng, Thủ tướng Phạm Minh Chính ăn tơbăt, tơbôl Việt Nam - Belarus hlôi yak ah jăl hơtŏk 'lơ̆ng rŏ lơ̆m khei năr ou ki. Ƀar pah hơnơ̆ng asong khul kơpal păng akŏm pơma đam kơpal; hơtŏk pơma đam lơ̆m dôm tơdrong hop akŏm apŭng plenh teh păng pơgơ̆r hop akŏm lơ teh đak. Thủ tướng hơpơi 'meh 2 pah hơtŏk jang hơdoi gah vei lăng teh đak, vei sơđơ̆ng tơpôl, mă kăl hơtŏk kơtang pơtho pơhrăm kang ƀô̆ jang hơlen sơkơ̆t tư phap, kiơ̆ đơ̆ng noh pơm trong jang hơdoi lơ̆m khei năr truh.

Thủ tướng akhan, trong pơkăp jang kơ Hơnih jang hơdoi jơnŭm pơgơ̆r teh đak đei pơtoi hơnơ̆ng, 2 pah kăl pơtoi jang hơdoi gah hơlen sơkơ̆t tư phap, pơm trong hiôk ăn kang ƀô̆ Việt Nam năm hŏk pơhrăm, chih akŏm hơlen tơ̆ Belarus vă hơtŏk jang đei jơnei tơdrong jang hơlen sơkơ̆t tư phap, vei sơđơ̆ng tơdrong hơlen sơkơ̆t gơh pơm jang tenh, tơtom păng đei jơnei tơnăp.